Сшытак складзены ў адпаведнасці з вучэбнымі праграмамі па фізіцы для 10 класа базавага і павышанага ўзроўняў і з’яўляецца часткай вучэбна-метадычнага комплексу, які забяспечвае вывучэнне фізікі. У дапаможніку прадстаўлены пералік лабараторных работ, а таксама алгарытм іх выканання, які прадугледжвае вымярэнні і вылічэнні фізічных велічынь, уменне рабіць самастойныя вывады, даваць грунтоўныя адказы на кантрольныя пытанні. Выкарыстанне сшытка скарачае і аблягчае работу вучня і настаўніка пры афармленні і праверцы работ, вызваляе час для выканання творчых заданняў.
Рэкамендуецца вучням 10 класа ўстаноў агульнай сярэдняй адукацыі, якія вывучаюць фізіку як на базавым, так і на павышаным узроўні.